“Kaibigan Lang Ba?”

By Cedric Ilarina

I

Ano ba talaga ang dapat kong maramdaman,

Sa inyong dalawang magkaibigan

Ano ba ang namamagitan sa inyo

Alin ba talaga ang totoo.

Minsan mong sinabi na

Magkaibigan lang kayo

Magkasama kayo lagi na

Ang napapansin ko.

Nagsalita ako nang minsan

Tungkol sa inyong dalawa

Sinabi mo na mahal mo ako

Totoo ba ang sinasabi mo?

Kanina lang ay nakitang,

Alalang-alala

Kaya ako’y nangangamba lagi

Sa inyong dalawa

Tuwing kayo ay makikita.

II

Ngiti lagi ang nilalabas ko

Pangtanggal kaba si dibdib ko

Sana wag masamain

Ang mga sinabi kong ‘to

Nasasaktan ako, oo

Tuwing magkasama kayo

Pero pilit kong inuunawa

Pagitan sa inyong dalawa

Kaya pakiusap,

Tuwing sinasabi ko ‘to

Gusto ko lang malaman mo

Na ayaw kong masama ang araw mo.

Pero sana wag kang lumayo

Dahil gusto pa kitang makasama

Pinapaalam ko lang sa’yo

Mahal na mahal kitang totoo.